ေျမာက္ဥကၠလာပၿမိဳ႕နယ္မွ ျဖတ္သန္းစီးဆင္းေသာ ေရႊေလွေခ်ာင္းအား ကြန္ကရစ္ခင္းျပီး အခိုင္အမာ တည္ေဆာက္ထားပါသျဖင့္ ေခ်ာင္းမွာ ေရစီးေရလာပိတ္ဆို႕ေနျပီး ေရစီးေရလာေကာင္းမြန္ေစရန္ ျပဳျပင္တူးေဖာ္ရာတြင္ အခက္အခဲျဖစ္ေနပါေသာေၾကာင့္ ေရႊေလွေခ်ာင္းအား ထိုကဲ့သို႕ ေဆာင္ရြက္ထားျခင္းကို မည္သည့္ခြင့္ျပဳခ်က္ျဖင့္ ေဆာင္ရြက္ထားရိွပါသနည္း၊ ထိုသို႕ေဆာင္ရြက္ထားျခင္းကို မည္ကဲ့သို႕ အေရးယူေဆာင္ရြက္မည္ကို သိရွိလိုပါေၾကာင္း ေမးျမန္း

ရန္ကုန္၊ ဇြန္လ၊ ၁၈ ရက္၊ ၂၀၁၉ ဒုတိယအႀကိမ္ ရန္ကုန္တုိင္းေဒသႀကီးလႊတ္ေတာ္ နဝမပံုမွန္အစည္းအေဝး ဒုတိယေန႕တြင္ ေျမာက္ဥကၠလာပၿမိဳ႕နယ္ မဲဆႏၵနယ္အမွတ္(၂) ရန္ကုန္တုိင္းေဒသႀကီးလႊတ္ေတာ္ကိုယ္စားလွယ္ ဦးျမင့္လြင္က “ေျမာက္ဥကၠလာပၿမိဳ႕နယ္မွ ျဖတ္သန္းစီးဆင္းေသာ ေရႊေလွေခ်ာင္းအား ကြန္ကရစ္ခင္းျပီး အခိုင္အမာ တည္ေဆာက္ထားပါသျဖင့္ ေခ်ာင္းမွာ ေရစီးေရလာပိတ္ဆို႕ေနျပီး ေရစီးေရလာေကာင္းမြန္ေစရန္ ျပဳျပင္တူးေဖာ္ရာတြင္ အခက္အခဲျဖစ္ေနပါေသာေၾကာင့္ ေရႊေလွေခ်ာင္းအား ထိုကဲ့သို႕ ေဆာင္ရြက္ထားျခင္းကို မည္သည့္ခြင့္ျပဳခ်က္ျဖင့္ ေဆာင္ရြက္ထားရိွပါသနည္း၊ ထိုသို႕ေဆာင္ရြက္ထားျခင္းကို မည္ကဲ့သို႕ အေရးယူေဆာင္ရြက္မည္ကို သိရွိလိုပါေၾကာင္း” ေမးျမန္းရာ စည္ပင္သာယာေရးဝန္ႀကီး ဦးေမာင္ေမာင္စိုးက “ ေမးခြန္းႏွင့္စပ္လ်ဥ္း၍ မည္သည့္ခြင့္ျပဳခ်က္မွ်မရွိဘဲ တည္ေဆာက္မွဳကို ၂၀၁၆ မတိုင္ခင္ကတည္းက တည္ေဆာက္ၿပီးက်ဴးေက်ာ္ထားပါေၾကာင္း၊ ရန္ကုန္တိုင္းေဒသႀကီး ေျမာက္ဥကၠလာပၿမိဳ႕နယ္၌ ရွိေသာ ေရႊေလွေခ်ာင္းသည္ မဂၤလာဒံုၿမိဳ႕နယ္၊ မရမ္းကုန္းၿမိဳ႕နယ္မွ စတင္ၿပီး ေျမာက္ဥကၠလာပၿမိဳ႕နယ္ကိုျဖတ္သန္းၿပီး ငမိုးရိပ္ေခ်ာင္းသို႕ စီးဝင္ေသာ ေခ်ာင္းမႀကီးတစ္ခုျဖစ္ပါေၾကာင္း၊ ေရႊေလွေခ်ာင္းမွာ ၄၆၅၀ ေပ အရွည္ရွိၿပီး ေခ်ာင္း၏အထက္ပိုင္း ေဖာင္ေတာ္ဦးဘုရားလမ္းမွ ရထားလမ္းထိ အရွည္ ၉၀၀ ေပ၊ ေခ်ာင္းအက်ယ္ ၁၄ ေပရွိၿပီး ေခ်ာင္း၏ အလယ္ပိုင္းရထားလမ္းမွ သုဓမၼာလမ္းထိ အရွည္ ၁၆၅၀ ေပ ေခ်ာင္းအက်ယ္ ၁၆ ေပရွိၿပီး ဟိုတယ္ဇုန္အပိုင္း ေပ ၈၀၀ ခန္႕မွာ အက်ယ္ ၉ ေပသို႕ က်ဥ္းေျမာင္းသြားၿပီး ေခ်ာင္း၏ ေအာက္ပိုင္းသုဓမၼာလမ္းမွ ငမိုးရိပ္ေခ်ာင္းအထိ အရွည္ ၂၁၁၀ ေပ ၁၅ ေပခန္႕ရွိပါေၾကာင္း၊ ေရႊေလွေခ်ာင္း စီးဆင္းရာ ေျမာက္ဥကၠလာပၿမိဳ႕နယ္၊ (ဃ) ရပ္ကြက္အတြင္း၌ ေခ်ာင္းအက်ယ္သည္ ၉ ေပခန္႕သာရွိ၍ ၎ရပ္ကြက္အတြင္းရွိ High Five Hotel , Hi Star Hotel ၊ ေက်ာက္စိမ္းဟိုတယ္၊ ခ်မ္းေျမ႕ဟိုတယ္ စသည့္ဟိုတယ္မ်ားသည္ ၎တို႕၏ အေရွ႕ ေရႊေလွေခ်ာင္းေပၚ ခြင့္ျပဳခ်က္မဲ့ ကြန္ကရိအခိုင္အမာခင္း၍ ကားပါကင္ျဖင့္ အသံုးခ်ျခင္းတို႕ေၾကာင့္ ေရစီးေရလာ ေကာင္းမြန္ေရးေဆာင္ရြက္ရာတြင္ အေႏွာက္အယွက္ျဖစ္ပါေၾကာင္း၊ ထိုသို႔ဟိုတယ္မ်ားမွ ခြင့္ျပဳခ်က္မဲ့ေဆာင္ရြက္ ထားမွဳအား ေရႊေလွေခ်ာင္း၏ ေရစီးေရလာေကာင္းမြန္ရန္အတြက္ လူအင္အား၊ စက္အင္အားျဖင့္ ရွင္းလင္းေဆာင္ရြက္ ရာတြင္ အခက္အခဲမ်ားမျဖစ္ေပၚေစရန္အတြက္ ေရႊေလွေခ်ာင္းမ်ားေပၚ၌ ခြင့္ျပဳခ်က္မဲ့ ေဆာင္ရြက္ထားရွိမွဳမ်ား ျဖစ္ေသာ Sky KTV ႏွင့္ေက်ာက္စိမ္းဟိုတယ္မွ ေဆာင္ရြက္ထားသည့္(၁၇၀ ေပ× ၉ ေပ) Car Parking၊ ေက်ာက္စိမ္းဟိုတယ္ ကြန္ကရိေၾကာျငာေျမစိုက္ဆိုင္းဘုတ္ (၅ ေပ × ၆ ေပ) ၁ ခု၊ High Five Hotel မွ (၁၁၉ ေပ × ၉ ေပ) Car Parking၊ ေခ်ာင္းအေပၚ ကန္႕လန္႕ထားသည့္ မီးစက္ (၁)လံုးထားရွိေၾကာင္း ေတြ႕ရွိရၿပီး ၎တို႕ကို (၂၆.၂.၂၀၁၉) ရက္ေန႕ ေနာက္ဆံုးထား၍ ျပန္လည္ဖယ္ရွားဖ်က္သိမ္းေပးရန္ႏွင့္ လိုက္နာေဆာင္ရြက္ျခင္းမရွိပါက စည္ပင္သာယာတည္ဆဲ ဥပေဒမ်ားႏွင့္အညီ အေရးယူေဆာင္ရြက္သြားမည္ ျဖစ္ေၾကာင္း သက္ဆိုင္ရာ ဟိုတယ္ပိုင္ရွင္မ်ားထံ ၿမိဳ႕နယ္အုပ္ခ်ဳပ္ေရးမွဴးမွ အေၾကာင္းၾကားၿပီး ျဖစ္ပါေၾကာင္း ၊ လက္ရွိအေျခအေနအရ ၿမိဳ႕နယ္ရံုးတြင္ ဖ်က္သိမ္းရန္ ကတိခံဝန္ျဖင့္ အေၾကာင္းၾကားၿပီးျဖစ္ပါေၾကာင္း၊ဖ်က္သိမ္းရန္ ေျမာင္းသာက်န္ရွိပါေၾကာင္း၊ သတ္မွတ္ထားသည့္ ရက္စြဲအတိုင္း ဖ်က္သိမ္းရန္အေၾကာင္းၾကားထားၿပီး ျဖစ္၍ မဖ်က္သိမ္းပါက တရားစြဲဆိုအေရးယူသြားရန္ အစီစဥ္ရွိပါေၾကာင္း၊ ” ျပန္လည္ေျဖၾကား ခဲ့ပါသည္။
(unicode)

ရန်ကုန်၊ ဇွန်လ၊ ၁၈ ရက်၊ ၂၀၁၉ ဒုတိယအကြိမ် ရန်ကုန်တိုင်းဒေသကြီးလွှတ်တော် နဝမပုံမှန်အစည်းအဝေး ဒုတိယနေ့တွင် မြောက်ဥက္ကလာပမြို့နယ် မဲဆန္ဒနယ်အမှတ်(၂) ရန်ကုန်တိုင်းဒေသကြီးလွှတ်တော်ကိုယ်စားလှယ် ဦးမြင့်လွင်က “မြောက်ဥက္ကလာပမြို့နယ်မှ ဖြတ်သန်းစီးဆင်းသော ရွှေလှေချောင်းအား ကွန်ကရစ်ခင်းပြီး အခိုင်အမာ တည်ဆောက်ထားပါသဖြင့် ချောင်းမှာ ရေစီးရေလာပိတ်ဆို့နေပြီး ရေစီးရေလာကောင်းမွန်စေရန် ပြုပြင်တူးဖော်ရာတွင် အခက်အခဲဖြစ်နေပါသောကြောင့် ရွှေလှေချောင်းအား ထိုကဲ့သို့ ဆောင်ရွက်ထားခြင်းကို မည်သည့်ခွင့်ပြုချက်ဖြင့် ဆောင်ရွက်ထားရှိပါသနည်း၊ ထိုသို့ဆောင်ရွက်ထားခြင်းကို မည်ကဲ့သို့ အရေးယူဆောင်ရွက်မည်ကို သိရှိလိုပါကြောင်း” မေးမြန်းရာ စည်ပင်သာယာရေးဝန်ကြီး ဦးမောင်မောင်စိုးက “ မေးခွန်းနှင့်စပ်လျဉ်း၍ မည်သည့်ခွင့်ပြုချက်မျှမရှိဘဲ တည်ဆောက်မှုကို ၂၀၁၆ မတိုင်ခင်ကတည်းက တည်ဆောက်ပြီးကျူးကျော်ထားပါကြောင်း၊ ရန်ကုန်တိုင်းဒေသကြီး မြောက်ဥက္ကလာပမြို့နယ်၌ ရှိသော ရွှေလှေချောင်းသည် မင်္ဂလာဒုံမြို့နယ်၊ မရမ်းကုန်းမြို့နယ်မှ စတင်ပြီး မြောက်ဥက္ကလာပမြို့နယ်ကိုဖြတ်သန်းပြီး ငမိုးရိပ်ချောင်းသို့ စီးဝင်သော ချောင်းမကြီးတစ်ခုဖြစ်ပါကြောင်း၊ ရွှေလှေချောင်းမှာ ၄၆၅၀ ပေ အရှည်ရှိပြီး ချောင်း၏အထက်ပိုင်း ဖောင်တော်ဦးဘုရားလမ်းမှ ရထားလမ်းထိ အရှည် ၉၀၀ ပေ၊ ချောင်းအကျယ် ၁၄ ပေရှိပြီး ချောင်း၏ အလယ်ပိုင်းရထားလမ်းမှ သုဓမ္မာလမ်းထိ အရှည် ၁၆၅၀ ပေ ချောင်းအကျယ် ၁၆ ပေရှိပြီး ဟိုတယ်ဇုန်အပိုင်း ပေ ၈၀၀ ခန့်မှာ အကျယ် ၉ ပေသို့ ကျဉ်းမြောင်းသွားပြီး ချောင်း၏ အောက်ပိုင်းသုဓမ္မာလမ်းမှ ငမိုးရိပ်ချောင်းအထိ အရှည် ၂၁၁၀ ပေ ၁၅ ပေခန့်ရှိပါကြောင်း၊ ရွှေလှေချောင်း စီးဆင်းရာ မြောက်ဥက္ကလာပမြို့နယ်၊ (ဃ) ရပ်ကွက်အတွင်း၌ ချောင်းအကျယ်သည် ၉ ပေခန့်သာရှိ၍ ၎င်းရပ်ကွက်အတွင်းရှိ High Five Hotel , Hi Star Hotel ၊ ကျောက်စိမ်းဟိုတယ်၊ ချမ်းမြေ့ဟိုတယ် စသည့်ဟိုတယ်များသည် ၎င်းတို့၏ အရှေ့ ရွှေလှေချောင်းပေါ် ခွင့်ပြုချက်မဲ့ ကွန်ကရိအခိုင်အမာခင်း၍ ကားပါကင်ဖြင့် အသုံးချခြင်းတို့ကြောင့် ရေစီးရေလာ ကောင်းမွန်ရေးဆောင်ရွက်ရာတွင် အနှောက်အယှက်ဖြစ်ပါကြောင်း၊ ထိုသို့ဟိုတယ်များမှ ခွင့်ပြုချက်မဲ့ဆောင်ရွက် ထားမှုအား ရွှေလှေချောင်း၏ ရေစီးရေလာကောင်းမွန်ရန်အတွက် လူအင်အား၊ စက်အင်အားဖြင့် ရှင်းလင်းဆောင်ရွက် ရာတွင် အခက်အခဲများမဖြစ်ပေါ်စေရန်အတွက် ရွှေလှေချောင်းများပေါ်၌ ခွင့်ပြုချက်မဲ့ ဆောင်ရွက်ထားရှိမှုများ ဖြစ်သော Sky KTV နှင့်ကျောက်စိမ်းဟိုတယ်မှ ဆောင်ရွက်ထားသည့်(၁၇၀ ပေ× ၉ ပေ) Car Parking၊ ကျောက်စိမ်းဟိုတယ် ကွန်ကရိကြောငြာမြေစိုက်ဆိုင်းဘုတ် (၅ ပေ × ၆ ပေ) ၁ ခု၊ High Five Hotel မှ (၁၁၉ ပေ × ၉ ပေ) Car Parking၊ ချောင်းအပေါ် ကန့်လန့်ထားသည့် မီးစက် (၁)လုံးထားရှိကြောင်း တွေ့ရှိရပြီး ၎င်းတို့ကို (၂၆.၂.၂၀၁၉) ရက်နေ့ နောက်ဆုံးထား၍ ပြန်လည်ဖယ်ရှားဖျက်သိမ်းပေးရန်နှင့် လိုက်နာဆောင်ရွက်ခြင်းမရှိပါက စည်ပင်သာယာတည်ဆဲ ဥပဒေများနှင့်အညီ အရေးယူဆောင်ရွက်သွားမည် ဖြစ်ကြောင်း သက်ဆိုင်ရာ ဟိုတယ်ပိုင်ရှင်များထံ မြို့နယ်အုပ်ချုပ်ရေးမှူးမှ အကြောင်းကြားပြီး ဖြစ်ပါကြောင်း ၊ လက်ရှိအခြေအနေအရ မြို့နယ်ရုံးတွင် ဖျက်သိမ်းရန် ကတိခံဝန်ဖြင့် အကြောင်းကြားပြီးဖြစ်ပါကြောင်း၊ဖျက်သိမ်းရန် မြောင်းသာကျန်ရှိပါကြောင်း၊ သတ်မှတ်ထားသည့် ရက်စွဲအတိုင်း ဖျက်သိမ်းရန်အကြောင်းကြားထားပြီး ဖြစ်၍ မဖျက်သိမ်းပါက တရားစွဲဆိုအရေးယူသွားရန် အစီစဉ်ရှိပါကြောင်း၊ ” ပြန်လည်ဖြေကြား ခဲ့ပါသည်။